【關智斌演唱會】張敬軒徇眾要求輕吻Kenny　關智斌體諒張致恆未捧場

關智斌（Kenny）處男紅館騷《KENNY is BORN 關智斌演唱會》周六舉行尾場，Encore時Kenny一度感動落淚，最後一曲時，出㺺觀眾最期待畫面，英皇群星逐一上台向關智斌獻吻，張敬軒亦在徇眾要求下，輕吻Kenny面珠，令全場high爆。

Kenny唱到《Girls》，唱到喊說：「我應該是第一個握手握到喊的歌手，因為見到好多熟悉面孔，原來大家來支持我，我會好好珍惜。」

鳴謝環節時，他又指容祖兒是全公司的盾牌，經常會為歌迷手們披風擋雨。他又多謝張敬軒，全場即起哄。

▲ （圖片：東星）

唱完最後一首歌《大男孩》後，Kenny不捨得走，坐在台下的祖兒、軒仔、古巨基及蔡卓妍（阿Sa）再度上台，Kenny更跪謝。

祖兒搞氣氛謂不如逐個錫一啖。基仔錫Kenny的面，祖兒阿Sa更與Kenny蜻蜓點水咀嘴。

兩人本有些尷尬，其後軒仔主動錫Kenny的面珠，全場瘋狂，軒仔無奈笑言：「原來你們係咁玩得！」

▲ （圖片：EEG）

Kenny在慶功受訪時，問到與張敬軒咀可有尷尬？他表示：「我哋太friend啦，成家人咁。 冇咩尷尬。」

他也指不是感情復合，霍汶希（Mani）也稱：「英皇文化家庭觀念好重。」

可是拍檔張致恆未有出現，Kenny坦言：「有叫佢來睇，但佢沒到，知佢心情，他曾經是我們家人一部分，他未面對到，我話唔緊要，畀時間自己，好好做好自己角色，大家隨時歡迎佢。」